INGRAM FRIZER'S PARDON

(PRO Patent Rolls 1401)

Discovered by Leslie Hotson, and this transcription and a translation
of most of it printed in his The Death of Christopher Marlowe (pp.34-7)

Regina perdona se		Regina Omnibus Balliuis & fi-
defendendo pro		delibus suis ad quos &c salutem
Ingramo ffrysar		Cum per quandam Inquisicion-
		em indentatam captam apud

Detford Strand in Comitatu nostro Kancia infra vir-
gam primo die Junij vltimo praeterito coram Willelmo
Danby Generoso Coronatore hospicij super vi-
sum corporis Christoferi Morley ibidem iacentis mor-
tui & interfecti per sacrum Nicholai Draper Generosi
Wolstani Randall Generosi Willelmi Curry Adriani
Walker Johannis Barber Roberti Baldwine Egidij ffeld
Georgij Halfepenny Henrici Awger Jacobi Batt
Henrici Bendin Thome Batt senioris Johannis Bald-
wyn Alexandri Burrage Edmundi Goodcheape & Hen-
rici Dabyns compertum existit Quod quidam Ingramus
ffrisar nuper de Londinia Generosus ac praedictus
Cristoferus Morley Ac quidam Nicholaus Skeres nuper
de Londinia Generosus ac Robertus Poley de Londinia
praedicta Generosus tricesimo die Maij vltimo prae-
terito apud Detford Strande praedictam in praedicto
Comitatu nostro Kancia infra virgam circa horam deci-
mam ante meridiem eiusdem diei insimul conuenerunt
in Camera infra domum cuiusdam Elionore Bull vidue
& ibidem pariter moram gesserunt & prandebant &
post prandium ibidem in quieto modo insimul fuerunt
& ambulauerunt in Gardinum pertinentem domui prae-
dicto vsque horam sextam post meridiem eiusdem diei
& tunc recesserunt a gardino praedicto in Cameram
praedictam & ibidem insimul & pariter cenabant &
post cenam praedicti Ingramus & Christoferus Morley
locuti fuerunt & publicauerunt vnus eorum alteri di-
uersa malitiosa verba pro eo quod concordare & agreare
non potuerunt circa solucionem denariorum summe vo-
catum le Reckoninge ibidem & praedictus Christoferus
Morley adtunc iacens super lectum in Camera vbi cen-
auerunt & ira motus versus praefatum Ingramum ffrisar
super verbis vt praefertur inter eos praelocutis Et prae-
dictus Ingramus adtunc & ibidem sedens in Camera
praedicta cum tergo suo versus lectum vbi praedictus
Cristoferus Morley tunc iacebat prope lectum vocatum
nere the Bedd sedens & cum anteriori parte corporis
sui versus mensam & praedicti Nicholaus Skeres &
Robertus Poley ex vtraque parte ipsius Ingrami sedentes
tali modo vt idem Ingramus ffrisar nullo modo fugam
facere potuit Ita accidit quod praedictus Cristoferus
Morley ex subito & ex malicia sua erga praefatum
Ingramum praecogitata pugionem praedicti Ingrami
super tergum suum existentem maliciose adtunc &
ibidem euaginabat & cum eodem pugione praedictus
Cristoferus Morley adtunc & ibidem maliciose dedit
praefato Ingramo duo vulnera super caput suum longi-
tudinis duorum policium & profunditatis quartij vnius
pollicis Super quo praedictus Ingramus metuens occidi
& sedens in forma praedicta inter praefatos Nicholaum
Skeres & Robertum Poley Ita quod vlterius aliquo
modo recedere non potuit in sua defensione & salua-
cione vite sue adtunc & ibidem contendebat cum prae-
fato Christofero Morley recipere ab eo pugionem suum
praedictum In qua quidem affraia idem Ingramus a
praefato Christofero Morley vlterius recedere non potuit
Et sic in affraia illa Ita accidit quod praedictus Ingra-
mus in defensione vite sue cum pugione praedicta precij
duodecim denariorum dedit praefato Cristofero adtunc
& ibidem vnam plagam mortalem super dexterum ocu-
lum suum profunditatis duorum pollicium & latitudinis
vnius pollicis de qua quidem plaga mortali praedictus
Christoferus Morley adtunc & ibidem instanter obijt Et
sic quod praedictus Ingramus praefatum Cristoferum
Morley praedicto tricesimo die Maij vltimo praeterito
apud Detford Strand praedictam in praedicto Comi
tatu nostro Kancia infra virgam in Camera praedicta
infra Virgam modo & forma praedictis in defensione ac
saluacione vite sue interfecit & occidit contra pacem
nostram coronam & dignitatem nostras Sicut per teno-
rem Recordi Inquisicionis praedicte quem coram nobis
in Cancellaria nostra virtute brevis nostri venire feci-
mus plenius liquet Nos igitur pietate moti perdonaui-
mus eidem Ingramo ffrisar sectam pacis nostre que ad
nos versus praedictum Ingramum pertinet pro morte
supradicta & firmam pacem nostram ei inde concedi-
mus Ita tamen quod stet rectum in Curia nostra siquis
versus eum loqui voluerit de morte supradicta In cuius
rei &c Teste Regina apud Kewe xxviii die Junij"

back to Home Page